Santiago de Compostela, 11-06-2010. Tres bandas galegas e unha portuguesa conforman este ano o cartel do Rock en Costa, que a Asociación Xurásica vén de pechar. FOGGY MENTAL BREAKDOWN (Vigo), BORN A LION (Leiria - Portugal), SKARMENTO (Donramiro) e LOS CHAVALES (Santiago D.C.) actuarán o sábado 12 de xuño na novena edición do festival, que vai celebrarse na pista de baloncesto do Centro Socio Cultural Agustín Bueno do Castiñeiriño, en Compostela. A entrada, coma sempre, será de balde.

O Rock en Costa segue apostando polos barrios como motores culturais das cidades e pola aproximación entre as músicas de Galicia e Portugal. Para mostralo, este ano actuarán na xa clásica cita do Castiñeiriño os míticos e recentemente reunidos FOGGY MENTAL BREAKDOWN, claves na escena rock viguesa dos noventa; os intensos BORN A LION, unha banda de rock suoroso con ambientes sureños; SKARMENTO, un grupo que desde a periferia de Lalín ten xirado por media Europa co seu punk combativo; e os locais LOS CHAVALES, clásicos da escena compostelá que se aplican con destreza e humor ás versións de cancións do pop español dos sesenta.

ROCK EN COSTA 2010_______

FOGGY MENTAL BREAKDOWN
BORN A LION
SKARMENTO
LOS CHAVALES

Sábado 12 de xuño. Centro Socio Cultural Agustín Bueno do Castiñeiriño, Compostela
A partir das 22.00 horas. Entrada de balde

myspace.com/rockencostafestival
rockencostafestival.wordpress.com
www.xurasica.com

O Rock en Costa segue apostando polos barrios como motores culturais das cidades e pola aproximación entre as músicas de Galicia e Portugal. Para mostralo, este ano actuarán na xa clásica cita do Castiñeiriño os míticos e recentemente reunidos FOGGY MENTAL BREAKDOWN, claves na escena rock viguesa dos noventa; os intensos BORN A LION, unha banda de rock suoroso con ambientes sureños; SKARMENTO, un grupo que desde a periferia de Lalín ten xirado por media Europa co seu punk combativo; e os locais LOS CHAVALES, clásicos da escena compostelá que se aplican con destreza e humor ás versións de cancións do pop español dos sesenta.

AS BANDAS

FOGGY MENTAL BREAKDOWN (rock, Vigo)

FOGGY MENTAL BREAKDOWN, unha das bandas máis emblemáticas de Galicia nos 90, reúnese cun repertorio que inclúe temas de toda a súa carreira, desde o seu primeiro EP editado no 1995 ata as súas últimas composicións, datadas no 2004. Nesta ocasión forman a banda Paulo Pascual (ex-Trem Fantasma, Casanovas), Pablo Muñiz (ex-Trem Fantasma, Transilvanians), Xabier Vieitez (Transilvanians, ex-Merry Melodies), Óscar Liboreiro (Vindaloo Rockets), Rubén Suárez (ex Los High Sierras) e Diego de Luis (ex Brandell Mosca, To Nowhere), todos eles compoñentes de Foggy Mental no pasado. http://www.myspace.com/foggymental

BORN A LION (blues rock, Leiria, Portugal)

O novo disco dos BORN A LION, ‘Bluezebu’, fala-nos acerca da vida de uma banda de rock na estrada, de caminhos sinuosos, de promessas feitas entre “irmãos”, e está pontuado por momentos de claridade, luz e celebração. Rodriguez, Melquiadez e Nuñez pegaram nas melhores referências do rock e construíram um disco que oscila entre o sombrio e o luminoso, cru e ao mesmo tempo belo, poderoso sem deixar de ser melódico. O disco contém dois temas extra gravados durante a digressão da banda em 2007, no Brasil. http://www.myspace.com/bornalionband

SKARMENTO (Punk rock, Donramiro)

Foi en setembro do ano 2000 cando na casa da Campanillas de Donramiro comezan a ensaiar SKARMENTO. Tocando primeiro en Vigo, Santiago, Ourense ou Lugo e logo en Madrid, Euskadi, Navarra, Catalunya e mesmo subir nun avión para descargar en Mallorca, acabaron subindo á furgoneta para cruzar os Pirineos e xirar por Francia e Alemaña. Agora, cun novo disco que saliu no verán de 2009, pensan xa na posibilidade dunha nova xira europea. http://www.myspace.com/skarmento

LOS CHAVALES (Pop yeyé, Compostela)

LOS CHAVALES son Tato, Bibi, Toni y Fonso, habituais da escena musical compostelá, que se reúnen en marzo de 209 coa intención de montar un grupo de versións de pop español dos anos sesenta. Con tan divertido propósito, conformaron un repertorio de 25 cancións clásicas (Brincos, Bravos, Salvajes, Lone Star, Gritos…) que presentaron en diferentes salas e festivais. Os novos plans da banda son a gravación e posta en circulación do seu primeiro EP, con clásicos de Love, Byrds, Beatles e Sonics adaptadas ao castelán pola propia banda. http://www.myspace.com/oschavales

Máis información dos grupos:
http://www.myspace.com/loslombardi
http://www.myspace.com/blacksoulmotard

Black Soul Motard: (Hard rock)
Comezan a súa andadura no 209, coa intención de dar guerra, tocar rock e armar boas festas. Jorge Lorenzo, Jose vázquez, Marcos Costa e Pablo buscan pasalo ben e gozar coa música sen aires de grandeza, tocando en directo ata non poder máis.

Los Lombardi

Son unha banda de surf instrumental e estilos afíns de recente creación, formada por Germán Prieto (guitarra), Iago Banet (guitarra), Anxo Fernández (baixo) e Álvaro Trillo (batería). Contan xa cun EP, Comando, editado en setembro do ano pasado.

A saída será desde a igrexa do Castiñeiriño ás 16:00 h, prezo 30 eur aprox (incluído o paintball, o churrasco e a bebida)
Confirmade a vosa asistencia no teléfono 689565559 (Álvaro) canto antes posto que hai que reservar o campo e facer a compra.

Nesta semana de ocio ao aire libre programamos unha actividade para a resaca dos bandullos churrasquiles. Un pequeno roteiro para desestresar o corpo.

Aquí vos vai a info:

Domingo 9, Roteiro polo Sarela - Pedroso.

Ruta: Desde o Romanho todo polo Sarela até o Carmen de Baixo, continuando polas beiras do Sarela e subindo logo até o monto Pedroso. Comemos no Pedroso, logo passeio até o cumio do monte, baixada pola “Granxa do Xesto” e voltamos polas ladeiras do monte cara ao Romanho.
Dificultade: Fácil.
Tempo: Aproximadamente 4 horas incluindo comida.
Levar comida (bocatas, fruta,…) e água.
Levar calçado e roupa adecuada.

Gratuito.

Cita (non fai falta confirmar):
Às 11.00 na Igreja do Castinheirinho
Às 11.30 na parada de bus da Ponte do Romanho.

Incluiremos máis información en breve. De momento, podedes escoitar os grupos no noso myspace (http://www.myspace.com/rockencostafestival) e ir vendo cousas novas na páxina da Asociación Xurásica en Facebook.

Black Bombaim é unha banda que se arrima a ese estilo psicodélico e excesivo que é o stoner rock. Sen cantante, concéntranse nunha descarga eléctrica mastodóntica entre os Black Sabbath, os Comets on Fier ou Blue Cheer. Hipnóticos e brutais, son un dos conxuntos con máis predicamento da escena barcelesa. http://www.myspace.com/blackbombaim

Da mesma localidade do norte de Portugal veñen os Alto!, un grupo de garage con gusto polos sons retro. Contan eles mesmos que son “unha banda normal, formada por persoas normais que frecuentan sitios normais”. Pero, en directo, a súa forza desátase con enorme intensidade. http://www.myspace.com/bandalto

BLACK BOMBAIM + ALTO!

Centro Social do Castiñeiriño, Compostela

Sábado, 24 de abril. 21.00h.

Entrada de balde

Máis información

http://www.xurasica.com

http://www.myspace.com/bandalto
http://www.myspace.com/blackbombaim

Estimados/as socios/as:

Con motivo da celebración, o próximo sábado 13 de xuño, da oitava edición do Festival Rock en Costa, gustaríanos convidarvos a pasar por este evento, para o que xa estamos traballando coa máxima intensidade. No que vai de ano, a Asociación Xurásica ten organizado concertos no Centro Social do Castiñeiriño, como o dos Lorchas e os Dirty Socks da pasada semana; para mellorar a acústica do recinto, no que tamén se vai celebrar este ano o Festival, estamos estudando a posibilidade de acondicionar e sonorizar adecuadamente o local.

Por outra banda, a Xurásica participou no que vai de ano noutras actividades, coma o roteiro por Arcos que organizamos en colaboración con outras asociacións da Estrada e de Cuntis e a Agrupación de Montaña Augas Limpas. En breve celebraremos outros eventos xa clásicos coma o noso campionato de básquet.

Como vedes, a roda segue movéndose! Para que o siga facendo, precisamos da vosa colaboración. Por iso, pregámosvos que, @s que aínda non o fixestes, procedades a pagar a vosa cota de soci@ correspondente ao ano 2009. Nalgúns casos hai aboad@s que aínda teñen pendente o pago da cota do 2008: agradeceríamosvos moito que tamén a fixésedes efectiva.

Para facer máis doado o cobro, pedímosvos que nos facilitedes un número de conta no que poder domiciliar eses recibos, que, como sabedes, ascenden á minúscula cifra de 20 euros anuais. Outras formas de pago son o ingreso na conta da Asociación (2100-5819-21-0200013158) ou darlle os cartos directamente a algún integrante da xunta directiva, que segue formada polas seguintes persoas:

Presidente: Carlos Gómez Mariño
Vicepresidente: Álvaro Amigo Pombo
Tesoureiro: Alberte Leis Conde
Secretaria: Iria Calvelo Pumar
Vocal de comunicación: Martiño Suárez Fraga
Vocal de roteiros: Manuel Pena Rivas.
Vocal de formación e cursos: Marcial Sanmartín Meléndez.
Vocal de afiliación: Katia Mera Varela
Vocal de relacións institucionais: Xocas López González.
Vocal de produción: Joaquín García Carril.

Moitas gracias… e vémonos no Rock en Costa!

Un saúdo!

O PRESIDENTE

The Lorchas son desde sempre o segredo mellor gardado da escena rock de Santiago DC: amarrados a un post-core intenso, móvense entre a melodía e a furia desatada

Dirty Socks véñen de gañar o concurso Música Xove 2009 con cancións apegadas ao último indie anglosaxón coas que pretenden facer bailar e vibrar ao público

Compostela, 6 de maio do 2009.- As bandas compostelás The Lorchas e Dirty Socks protagonizarán este sábado 9 de maio un novo Concerto Xurásico, organizado pola  Asociación Cultural Xurásica. O evento, que reunirá a unha das mellores bandas santiaguesas do último decenio e a un dos máis sólidos novos valores do rock na cidade, levarase a cabo no Centro Socio Cultural do Castiñeiriño, ás 21.00 horas. A entrada, coma sempre, é de balde.

Pouco pródigos en actuacións pero posuidores dun directo dificilmente esquecible, The Lorchas son desde sempre o segredo mellor gardado da escena rock de Santiago DC: amarrados a un post-core intenso, móvense entre a melodía e a furia desatada. Composta por ex integrantes de Fulsomes ou dos Dirty Barriguitas, esta banda edita con contagotas enormes e emocionantes cancións, que se pode descargar na súa páxina ou no seu myspace.

Pola súa parte, os Dirty Socks arrímanse ao último indie anglosaxón (Franz ferdinand, The Strokes, Arctic Monkeys) para compoñer cancións coas que bailar e vibrar. Formados no 2007, veñen de gañar o concurso Música Xove 2009 e de tocar con outros grupos como The Blows ou os suecos Industri Royal e están a punto de rematar a súa segunda maqueta. Os seus temas poden escoitarse no myspace.

THE LORCHAS + DIRTY SOCKS

Centro Social do Castiñeiriño, Compostela

Sábado, 9 de maio. 21.00h.

Entrada de balde

 Máis información

http://www.xurasica.com

http://www.myspace.com/thelorchas

http://www.thelorchas.com

http://www.myspace.com/dirtysockstm

tres bandas galegas e unha portuguesa no cartel

A cita fíxase para o 13 de xuño, por primeira vez no Centro Socio Cultural do Castiñeiriño

Santiago de Compostela, 27-4-2008. Tres bandas galegas e unha portuguesa conforman este ano o cartel do  Rock en Costa, que a Asociación Xurásica vén de pechar. Green Machine (Barcelos), Minapolaris (A Coruña), Royalties (Santiago D.C.) e Novedades Carminha (Santiago D.C) actuarán o sábado 13 de xuño na oitava edición do festival, que por primeira vez vai celebrarse no interior do Centro Socio Cultural do Castiñeiriño, en Compostela.

O Rock en Costa segue apostando polos barrios como motores culturais das cidades e pola aproximación entre as músicas de Galicia e Portugal. Para mostralo, este ano actuarán na xa clásica cita do Castiñeiriño os composteláns NOVEDADES CARMINHA, unha banda nova e descarada que practica o punk ao estilo dos primeiros Siniestro Total; os tamén santiagueses ROYALTIES, unha apisonadora de punk-rock and roll formada por clásicos da escena da cidade que se atopan, coa edición do seu último cd, no seu mellor momento creativo; MINAPOLARIS, outro conxunto de rock abrasivo procedente da Coruña; e os portugueses GREEN MACHINE, ben coñecidos pola parroquia galega polos seus concertos incendiarios baseados na impresionante presenza escénica do seu vocalista e na suorosa base rítmica que o acompaña.

O concerto, que coma sempre é balde, empezará ás dez da noite.

ROCK EN COSTA 2009

GREEN MACHINE

NOVEDADES CARMINHA

MINAPOLARIS

ROYALTIES

Sábado 13 de xuño, 22.00 horas. Centro Socio Cultural do Castiñeiriño, Compostela

Entrada de balde

myspace.com/rockencostafestival

rockencostafestival.wordpress.com

www.xurasica.com

máis información nos teléfonos 609728524 / 686976139

AS BANDAS

 GREEN MACHINE (blues punk, Barcelos, Portugal)

Aclamados polo público, recoñecidos pola prensa e adorados por amigos e descoñecidos a ambos lados da Raia, Green Machine son anténtica dinamita no escenario. Falar deles é falar de deixar a alma nos locais, dun dos directos máis incendiarios da Península, dun espectáculo total que ninguén esquece unha vez visto. O cuarteto de Barcelos volve a Galicia con disco novo, Green Machine plays Ghost (Rastilho Records, 2008), un traballo “sobre a ausencia, sobre vivos e mortos”, explorando de novo un son suoroso, intenso e abrasivo.

Máis

 NOVEDADES CARMINHA (punk 77, Santiago DC)

“Quería abrirlle unha boutique á miña muller; sempre lle gustou a lencería e o encaixe de Camariñas… Eu, sen embargo, que sempre fun un freudiano do extrarradio, gran amante do queixo de tetilla, falei con Carminha, a miña esposa e mentora, para destinar os cartos da tenda de novidades textís a viño e punk, mantendo o nome da boutique inalterado. Novedades Carminha somos tres, un pouco oligofrénicos pero boa xente. Gústannos os vinilos e os casetes por igual. Ademáis somos o grupo favorito de Marichalar…”

Máis

ROYALTIES (Rock and roll, Santiago DC)

Da humidade e o cheiro a madeira apolillada da Casa Xurásica xorde unha nova banda en Compostela: Royalties. Cunha ampla experiencia no mundo do rock (Redullos, As Fulanas, Contrastes, Capellán Tabernícola…) Dani, Miguel e Soni coinciden en que a xente necesita máis rock’n’roll para darlle emoción o seu delirante día a día. Explosións de son, riffs vertixinosos, sacudidas decibélicas e melodías que te deixarán afónico, conforman a suma das influencias das bandas do rock escandinavo, británico e xurásico dos últimos tempos. Despois do seu EP Quero Rock & Roll (2008), están a piques de editar Avance da nova temporada.

 Máis

 MINAPOLARIS (Rock and roll, A Coruña)

Lonxe da obsesión da orixinalidade, Minapolaris apostan pola tradición do rock, polas melodías intemporais e auténticas. No clasicismo roqueiro é onde se encadra o quinteto coruñés, formado por músicos de ampla experiencia que preparan música directa para ser vivida e sentida nos escenarios, nos que a banda nunca defrauda. Live the Minapolaris experience!

Máis